Марий Элым вуйлатышын сомылжым шуктышо Санкт-Петербургысо Тӱнямбал форумышто пашам ышта

         Марий Элым вуйлатышын сомылжым шуктышо Санкт-Петербургысо Тӱнямбал форумын кокымшо кечыжын пашажым иктешлен: кече поян да лектышан лийын. Форумын кокымшо кечыжлан палемдыме чыла пашам мучашлымек, Юрий Зайцев иктешлымашым ыштен: чыла вашлиймашыжат кӱлешан ыле, тушто ончымо йодыш- влак республикым вияҥдымаште пӱсын шогышо задаче- влакым рашемдат. «Газпром межрегионгаз» да «Газпром газификаций» Группын генеральный директоржо Сергей Густов дене газым йӧршын пуртыдымо район- влак шотыштат кутырен келшыме. «Газпром» тыгак догазификаций пашам шукта. Кӱлешан вашлиймаш тыгак Российын чоҥымаш министрже Ирек Файзуллин дене лийын. Тудо мемнан республикын кураторжо. Мемнам  тудын дене эше вашлиймаш вуча. Юрий Зайцев моло событий нергенат ойлен. Калмык республике ден соглашенийым пеҥгыдемдыме. Тиде кундем дене ял озанлык шотышто вашкыл пайдале лийын кертеш. Тидын шотыштак Киров область дене ойпидышым кылдыме. Кече пеш поян да пайдале лектышан лийын,- иктешлен Юрий Зайцев.
             Фото: Марий Элым вуйлатышын организаций да аналитик виктемже.