Кудывечылаште корным олмыктымо йодышлан шукырак тӱткышым ойыраш задачым шындыме

          Марий Элым вуйлатышын сомылжым шуктышо кудывечылаште корным олмыктымо йодышлан шукырак тӱткышым ойыраш задачым шынден. Совещанийыште корно пашан кызыт кузе кайымыже да отрасль ончылно шогышо цель ден задаче-влакым каҥашыме. Юрий Зайцев «Качестван лӱдыкшыдымӧ корно» калыкле проектым шыҥдарыме пашам сайын аклен, но район да олалаште илыше- влак деч тичмаш налаште корнын могай улмыжо, кудывечылаште, объектла деке намийыше корнын начар улмыжо нерген вуйшиймаш- влак пурат манын. Транспорт да корно озанлык министр Александр Герасименко увертарен: калыкле проектым 2019-ше 2021-шо ийлаште шуктымын лектышыже почеш 597 меҥге утла урем да корнылам олмыктымо. Тушечын 537 меҥгыже регион да район кокласе кӱкшытан, 59 меҥгыже- ола агломерацийын корныжо. Тенийлан 324 меҥгым олмакташ палемдыме. Тушечын 23 меҥгыже- ола агломерацийын. Идалык мучаш марте норматив марте шуктымо корно 29 процентым эрта, план почеш 27 лийшаш ыле. А Йошкар-Ола агломерацийыште 66 процент корно норматив дене келшыше лиеш.
             Фото: Марий Элым вуйлатышын организаций да аналитик виктемже.