Юрий Зайцев кеҥеже жапыште йоча- влакын эмганен кертме лӱдыкшым шагалемдаш кӱштен

             Юрий Зайцев кеҥеж жапыште йоча- влакын эмганен кертме лӱдыкшым шагалемдаш кӱштен.  22 тӱжем йоча да ийготыш шудымо- влак, нунын кокла гыч неле илыш йыжыҥыш логалше 11 тӱжем икшыве, тений кеҥежым ола деч ӧрдыжсӧ лагерьлаште каналтен да тазалыкым пеҥгыдемден кертыт. Тиддеч посна 300 инвалид да начар тазалыкан тазалыкан йоча- влаклан каналташ да шуаралташ йоным ыштыме. Кеҥежымсе каныме кампаний дене оперативный совещанийыште туныктыш министр Лариса Ревуцкая палдарен. Тудын мутшо почеш тений кеҥежым йоча- влаклан каныме да тазалыкым пеҥгыдемдыме 196 тӧнеж пашам ышта. Ешарен оксам ойырымылан кӧра кум тӧнеж негызеш 160 йочлан кечывалым да сутка мучко лийман профилян смена- влакым ыштыме. Ола деч ӧрдыжсӧ лу лагерь федерал кешбэк программыш ушнен. Чыла организаций лӱдыкшыдымылык шотышто мероприятий- влакым эртарен. Юрий Зайцев кеҥеж жапыште йоча- влакын эмганен кертме лӱдыкшым шагалемдаш кӱштен.  Лариса Ревуцкая ешарен: тидлан экологий отряд, школ лесничестве, кудывечысе площадке, тӱвыра тӧнежла пелен жаплан лийме группо, волонтёр отряд, ачалыше бригаде- влак ышталтыт. Тыгай йӧн дене 47 тӱжем тунемшым авалташ лийме. Тидыже тунемше- влак кокла гыч 52 утла процент лиеш.
             Фото: Марий Элым вуйлатышын организаций да аналитик виктемже.