Павел Волков «Авангард» рӱдерыш миен

        Павел Волков самырык тукымым военно-патриотизм шӱлышеш шуарыме «Авангард» рӱдерыш миен. Тушто Юнармийын «Зарница Поволжья» военно-спорт модмашын республикысе йыжыҥже эрта. Теҥгече таҥасымашым торжественно почмо церемонийыште Россий Президентын Юл кундем округышто Полномочный представительже Игорь Комаровын кӱштымыжӧ почеш Марий Элыште тӱҥ федерал инспектор Павел Волков участвоватлен. Почётан уна- влак коклаште тыгак спорт-туризм министрын алмаштышыже Станислав Игошин, ДОСААФ-ын регионысо пӧлкажым вуйлатыше Вячеслав Тихонов, республикысе сарзе комиссариатын пӧлкажым вуйлатышын кугурак полышкалышыже Андрей Кулишов лийыныт. Тений модмашын республикысе йыжыҥыштыже муниципал йыжыҥлаште сеҥыше 17 команде таҥаса- чылаже 14-15 ияш 255 рвезе- ӱдыр. Нуно визит карточко, викторине, автоматым рончен- погымаш, магазиным темымаш, строевой ямдылалтмаш, винтовко гыч лӱйкалымаш, гимнастике, гранатым кышкымаш, куржталмаш, ОБЖ, турист чаракым сеҥымаште моштымашыштым ончыктат. Сеҥыше- влак сентябрьыште округысо финалыш Оренбург областьыш каят.
          Фото: МариМедиа.