Ял озанлык пашаеҥым школ гычак ямдылат

           Республикыштына агропромышленный-комплекслан пашазе-влакым школ гычак ямдылат. Эн кӱлешан профессий ден специальностьлан туныкташ Аграрно-строительный техникум негызеш «Ял озанлык машина- влакым кучылтмаш» лӱман мастерсткойым почмо. Тудо профессионал программе дене туныктымо содержанийым уэмдаш, программым кумдаҥдаш полша. Тушто «Ял озанлык технике ден оборудований дене пайдаланымаш да олмыктымаш», «Ял озанлык производствын таркторист- машинистше» корно дене туныктат да ял озанлыкын вашталт шогышо йодмыжым вашкерак шукташ йӧнышт уло. У мастерскойыш вич единице техникым- Беларус-1523, Беларус 320, Беларус 622 трактор- влакым, Амкодор экскаватор-погрузчикым, Зуумлион таркторым налме. Чылажымат тений гына ыштен лукмо. Закон дене келшышын у техникым Советский районысо тӱҥ кугыжаныш инженер- инспектор Березин  терген лектын да регистрацийым эртарен. У мастерскойлан Ворлдскилс стандарт дене демонстарционный экзаменым эртарыме рӱдер статусым пуымо. Кызыт тушто уло республике гыч выпускник- влак демонстрационный экзамен семын иктешлыше аттестацийым эртат.