Келге диспансеризацийым 17 тӱжем наре еҥ эртен
Республикыштына келге диспансеризацийым 17 тӱжем наре еҥ эртен. Россий тазалыкаралтыш министрын алмаштышыже Евгений Камкин палемден: коронавирус инфекцийым эртыше еҥ- влаклан келге диспансеризацийым да реабилитацийым эрташ темлыме. Тений республикыштына Ковид чер дене черланен лекше 39 тӱжемат 666 еҥым тергаш палемдыме. Тенийсе вич тылзыште диспансеризацийын икымше йыжыҥжым 17 тӱжем наре еҥ эртен. Тидын годым хронический черан- влаклан тӱткыш ойыралтеш. Тыгай вич тӱжемат 600 наре еҥым ончымо. Икымше йыжыҥын лектышыже почеш кокымшо йыжыҥыш 556 еҥым колтымо. Икымше гана 569 еҥын инфекцийдыме хронический чержым рашемдыме. 34 процент еҥын вӱргорно чер, 10 процентын шӱлымӧ органын черже, молыжо- тӱрлӧ чер палдырнен.