Юрий зайцев: «Школышто тунемшына- влакын олимпиадылаште сеҥаш чыла ӱшанышт уло»
![Юрий зайцев: «Школышто тунемшына- влакын олимпиадылаште сеҥаш чыла ӱшанышт уло»](/upload/iblock/6b4/jtz7ftugj0sqsb4ppqluiv95oiw8jmz9.jpg)
«Школышто тунемшына- влакын олимпиадылаште сеҥаш чыла ӱшанышт уло», - каласен республикым вуйлатышын сомылжым шуктышо. Юрий Зайцев шуко профилян лицей- интернат негызеш почмо талантан йоча- влак дене пашам ыштыше рӱдерыш миен. Кызыт тушто «УмКа» кеҥежымсе школ почылтын. Тушто Россий кӱкшытан олимпиадын чыла йыжыҥыштыже, шанче-практик конференций ден тӱрлӧ уш-акыл конкурслаште сеҥыше йоча- влак канат. Вуйлатыше филолог, химик, физик, биолог- влакын отрядыштышт лийын, йоча да туныктышо- влак дене мутланен. Кеҥежымсе школ утларакше практикылан эҥерта. Кызыт школышто 115 еҥ тунемеш. Пашам ыштыме жапыштыже школ тӱжем утла йочам туныктен луктын. Юрий Зайцев палемден: Марий Эл гыч тунемше- влакын командышт тунемше- влакын Россий кӱкшытан олимпиадыштышт ончыл радамыш лектын кертеш. Сандене тиде толкыныш утларак йоча- влакым ушыман да тунемашышт чыла кӱлешан йӧным ыштыман.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.