Йошкар-Олан пагалыме еҥже
Йошкар-Олаште эше ик Почётан гражданинлан шукырак лийын. Депутат- влак погынымашын черетан кумлымшо сессийже эртен. Тушто 15 йодышым каҥашыме. Нунын кокла гыч иктыже «Почётан гражданин» лӱмым пуымо нерген лийын. Шолып йӱклымаш почеш тиде чап лӱмым Йошкар-Оласе кокымшо номеран поликлиникын тӱҥ врачшын алмаштышыже Олга Ершовалан пуымо. Тудо Иваново олаште шочын. Куйбышевысе медицина институтым тунем пытарымеке, 1980-шо ийыште кокымшо поликлиникыште участковый врач-терапевт семын пашам ышташ тӱҥалын. 1997-ше ий гыч тӱҥ варчын алмаштышыжлан пашам ышта. Сессийыште тыгак муниципал образованийын Общественный советшын составшым пеҥгыдемденыт. Тушко 8 еҥ пурен. Тиддеч посна депутат- влак Воин-десантник- влакын скверыштышт Совет Ушемын Геройжо. Армийын генералже, СССР юж- десант войскан командующийже Василий Маргеловын бюстшым вераҥдаш пунчалыныт, Кугу Сарын ветеранже Виктор Кислицкийлан, сарын ветеранже, РСФСР-ын калык артистше Георгий Константинов ден тудын пелашыже Россий Федерацийын калык артисткыже Нинель Константиновалан мемориал оҥам вераҥдаш решенийым луктыныт.