Козьмодемьянск гыч Юнга- влак Кострома ден Ярославльыш черетан кужу походыш ямдылалтыт

             Козьмодемьянск гыч Юнга- влак Кострома ден Ярославльыш черетан кужу походыш ямдылалтыт. Тиддеч ончыч «Паллада» парус клубын юнгыжо-влак шкеныштын тунеммашым эртарыме «Шнуй Косма» парусникышт дене Козьмодемьянск- Чебоксар-Звенигово-Казань да мӧҥгешла вӱд походыш миен толыныт. Тидыже «Марий Элысе парус йымалне школ» проектым шыҥдарымылан кора лийын кертын. Тудыжым Владимир Потанинын фондшо «Спортын вийже» программе дене поддержатлен. Проект кышкарыште Чебоксарысе, Звениговысо, Озаҥысе самырык моряк- влак дене вашлиймаш эртен. «Палладовец- влак» шке гаваньышкышт сайын гына пӧртыл шуыныт. Ынде нуно Кострома ден Ярославльыш черетан кужу походлан ямдылалтыт.
       Фото: «Ваш новый день» газет.