Йошкар-Оласе теплосетьым пужен ыштымашын икымше йыжыҥже тӱҥалын

Йошкар-Оласе теплосетьым пужен ыштымашын икымше йыжыҥже тӱҥалын
             Йошкар-Оласе теплосетьым пужен ыштымашын икымше йыжыҥже тӱҥалын. Проект нерген Марий Элым вуйлатышын пашажым шуктышо Юрий Зайцев регионлам вияҥдыме шотышто Правительстве комиссий Президиумын заседанийыштыже увертарен. Тудым Россий Правительстве председательын алмаштышыже Марат Хуснуллин вӱден. Заседанийыште Российын чоҥымаш министрже Ирек Файзуллин участвоватлен. Марий Элым вуйлатышын пашажым шуктышо каласен: ЖКХ-м пужен ышташ полышо фондыш икымше ТЭЦ-ын «Йошкар-Олаште шокшым ситарыше объект- влакым пужен ыштымаш» проектшым шыҥдараш йодмашым колтымо. Тудын дене келшышын 37-ше номеран котельныйын зданийже деке ешарен чоҥаш, ешартыш насосоым вераҥдаш, газпоршенян электростанцийым чоҥаш, теплосетьын магистраль участкылажым пужен ышташ палемдыме. Тиде йодмашым фондын правленийже сайлан шотлен. Юрий Зайцев рашемден: тиде проект пужен ыштыме кугу проектын да теплостьлам чоҥымашын икымше йыжыҥже гына улеш. Кызыт кокымшо йыжыҥжылан оксам ойырымо йодыш каҥашалтеш. Проектын тичмаш акше 240 миллион наре теҥге. Пашам 2023-шо ийыште ыштен пытарыман.
             Фото: Марий Элым вуйлатышын организаций да аналитик виктемже.

Прошлые выпуски