Советский районышто у производство- влакым почаш шонат

            Советский районышто у производство- влакым почаш шонат. Тидын нерген Марий Элым вуйлатышын пашажым шуктышо Юрий Зайцевлан Советский муниципал районым вуйлатыше Анатолий Глазырин ойлен. Тиде пашалан ик миллиард наре теҥге оксам кучылташ палемдыме. Ял озанлык производительын шындарышаш инвестиций проектше почеш лу ий утла яра кийыше вич тӱжем гектар мландым обрабатыватлымашке виктаралтеш. Моло инвестиций проект коклаште Анатолий Глазырин Новофокин ликёр да арака заводым умбакыже вияҥдымашым да кермыч заводым пашаш колтымашым палемден. Тений районышто корным олмыктымо паша ушнен толеш, Солнечный посёлкышто тошто пӧртла гыч кусараш 24 пачеран пӧрт нӧлталтеш, куд тӱшка вер да ик кудывече тӱзландаралтеш. Тений Ӧрша школын, Советский посёлкысо 3-шо номеран школын леведышыжым олмыктат, 13 йоча садыште окнам вашталтат, «Точка роста» рӱдер почылтеш. Спорт сооруженийым чоҥаш проект да смете документацийым ямдылыме, но окса шотышто йодышым виктарыме огыл. Юрий Зайцев тиде объектым федерал программыш пурташ ямдылаш кӱлеш манын да лишыл жапыште районыш мияш сӧрен.
             Фото: Марий Элым вуйлатышын организаций да аналитик виктемже.