Озаҥысе марий- влак грантым сеҥен налыныт

           Марий- влакын калыкле-тӱвыра автономийыштын проектше президент грантлан конкурсышто сеҥышыш лектын. «Озаҥ оласе марий- влакын калыкле тӱвыра автономийышт» верысе мер ушем президент грант фондын эртарыме тенийсе кокымшо конкурсыштыжо сеҥышыш лектын. Организацийын «Марий шонанпыл» йоча этнотӱвыра фестивальже» проектше 481 тӱжем теҥге грант оксам налеш. Тиде проект марий тӱвырашке утларак йочам ушен марий калыкын ойыртемалше тӱвыражым, йылмыжым, йӱлажым арален кодымашке викаралтын. Проект кышкарыште вокал да инструментал, куштымаш, сылнымут шомак корно дене онлайн-конкурс ден мастер-класс- влакым эртараш, марий йоча ансамбльым чумыраш, Татарстан республикысе районла гыч йоча ансамбль да профессионал артист- влакым ӱжын фестивальын гала-концертшым эртараш шонат. Грантлан кокымшо конкурсыш уло эл гыч тений 9 тӱжемат 600 утла коммерцийдыме организаций  11 тӱжем утла проектым колтен. Сеҥышыш социал корнан коммерцийдыме тӱжемат 889 организаций лектын.- Увертара Татарстанын калык- влак келшымаш пӧртшӧ.
           Фото: «Озаҥ оласе марий- влакын калыкле-тӱвыра автономийышт» мер организацийын сайтше гыч.