Эрла - Сабантуй

         Шушаш шуматкечын, эрла, йӱлаш пурышо Сабантуй пайрем лиеш. Шошо ага пашам мучашлымылан пӧлеклатше калык пайрем тений 25-ше июньышто Медведево ипподромышто лиеш. Республике кӱкшытан пайремыште республикысе ола да районла, Российысе кундемла гыч делегаций- влак лийыт. Уна- шамычым пайрем таҥошкылмаш, имне дене таҥасымаш, «Кӧрэш» татар калык кучедалмаш вучат. «Сабантуй»- тиде акрет годсо татар календарь пайрем. Тудо Йошкар-Олаште 1990-шо ий годсек кажне ийын пайремлалтеш.
          Тӱвыра министерствын фотожо.