Марий Элым вуйлатышын сомылжым шуктышо Оршанке районышто илыше- влак дене вашлийын

            Марий Элым вуйлатышын сомылжым шуктышо Оршанке районышто илыше- влак дене вашлийын. Табашино селаш газым пуртымо, Оршанкысе школым да районысо эмлыме верым  капитально олмыктымо, кудывечылам тӱзландарыме, Тошто Крешыныште котельныйым чоҥымо, амалкалче-влаклан полшымо, изи яллаште медицина полышым пуымаш- нине да моло йодышым Юрий Зайцевлан пуымо. Нунылан вуйлатыше раш вашмутым пуэн да районыш толмо жапыште ончен савырнаш да виктарен колташ йӧн лийын манын каласен. Тудо Кугунур школышто пищеблокым чоҥымо нерген ушештарен. Подрядчик объектым август кыдалне ыштен шуктышаш. Тымарте тунемше- влакым ик уштыш наре тораш кочмыверыш коштыктеныт. Кочкыш сай качестван лийшаш. Марий Элым вуйлатышын сомылжым шуктышо тыгак Ӧрша эҥерыште гидротехник сооруженийым пужен ыштыме, «Оршанке кинде» предприятийыш мийыме, Чап Аллейым тӱзландарыме нерген ойлен. Район администрацийым вуйлатыше Александр Плотников Каракша- Табашино газпучым чоҥымылан тауштен. Ик йодыш йоча- влакын школыш коштмо корныштын начар улмыжо дене кылдалтын. Тидлан субсидийым пуэна манын вашештыме. Ик тунемшын аваже Оршанке школын кӧргӧ пырдыжшым кунам олмыктат манын йодын. Туныктыш министр школым олмыкташ 2023-шо ийлан планыш пуртымо. Тиде школлан 100 миллион наре теҥге ойыралтеш, эше куд миллионат пеле оборудований налаш колталтеш,- каласен Лариса Ревуцкая. Пуял гыч ФАП-ым почмо нерген йодыныт. Тазалыкаралтыш министрын мутшо почеш тушко медицина полышым пуаш мобильный бригаде чарныде кошташ тӱҥалеш. Тидымат ешарыме Ильинка-Пуял корным олмыктымо планым вес ий гыч тенийыш кусарыме да сентябрь марте олмыктымо лиеш. Юрий Зайцев вашлиймашлан тауштен да район, верысе калык пеш келшен манын каласен.
             Фото: Марий Элым вуйлатышын организаций да аналитик виктемже.