Йошкар-Олаште СВО-н историй тоштержылан пӧлемым июль мучаш марте олмыктен шуктышаш улыт
Йошкар-Олаште СВО-н историй тоштержылан пӧлемым июль мучаш марте олмыктен шуктышаш улыт. Тоштер Ленин проспектысе 24-ше В пӧрт адрес дене верлана. Тиде калыкле сӱрет галерей воктенсе административный зданий. Ончычсо «Галерей» ужалкалыме рӱдерын икымше пачашыштыже кодшо ий мучашыште шокшым да электроснабженийым уэш чӱктеныт. Вара капитально олмыкташлан подрядчикым ойыраш электрон аукционым эртарыме. Тыге Йошкар-Ола гыч «Эрмада-Строй» ушемым ойырен налме. Контрактым 34 миллион теҥгелан ыштыме. Компанийын специалистше- влак кӱварым да шымартыме, сантехник пашам шуктат, оролымо да тревога системе дене пожар сигнализаций, электро волгыдым пуртат. Пашам тений 31-ше июльлан мучашлышаш улыт.
Фото: Павел Стариков.