Рӱдӧ олана гыч вич еш «Талукын ешыже» конкурсын муниципал йыҥыштыже сеҥыше лийыныт

           Рӱдӧ олана гыч вич еш «Талукын ешыже» конкурсын муниципал йыҥыштыже сеҥыше лийыныт. Ынде нуно конкурсын республикысе йыжыҥыштыже шкеныштым ончыктат. Российын Президентше еш институтым арален кодаш да вияҥдаш задачым шынден. Кажне ийын эртарыме «Талукын ешыже» конкурс Ешын талукыштыжо да тыгай неле жапыште- тиде символ шотан. Кеч-могай еҥлан тудым йӧратыше, вучышо, тудын нерген шонышо да полшышо сурт деч шерге нимо уке. Кодшо арня мучашыште конкурсын муниципал йыжыҥжым иктешлыме. Организаций комитетыш ныл номинацийыште еш- влалкан 12 представлений пурен. Оргкомитетын решенийже почеш сеҥышыш лектыныт: «Шуко шочшан еш» номинацийыште Яшкиревмыт еш, «Самырык еш» корно дене Воронцовмыт еш, «Шӧртньӧ еш» номинацийыште Михайловмыт еш, «Еш- йӱлам аралыше» корно дене кок еш- Речкинмыт да Халирахмановмыт еш сеҥеныт.
          Фото: Йошкар-Ола администраций.