Марий Элым вуйлатыше Юрий Зайцев Лужбелякысе тӱвыра пӧртыштӧ лийын

           Марий Элым вуйлатыше Юрий Зайцев Лужбелякысе тӱвыра пӧртыштӧ лийын. Тудо «Тӱвыра» калыкле проект кышкарыште капитально олмыкталтын. Тиддеч посна котельныйым, пӧртыш пурымо верым ачалыме, сценын вургемжым, залыште кресле- влакым уэмдыме. Юрий Зайцев олмыктымо изи залым, книгагудым, актовый залым ончен, районысо тӱвыра пашаеҥ- влак дене вашлийын. Тудо палемден: калыкле проеклан кӧра ялласе тӱвыра пӧрт- влакым, йоча сымыктыш школлам олмыктымо, автоклублам налме, модельный книгагудылам ыштыме. Районысо калык Главалан тӱвыра сферылан тӱткышым ойырымжлан да олмыктымо корнылан тауштен. Вуйлатыше тыгак Шулкысо тӱвыра пӧртыш миен. Тудо эше олмыктымым вуча веле. Тудо илемысе ик административный зданий веле улеш. Тушто илем администраций, почто, МФЦ, ял книгагудо, спортзал верланеныт. Тений Тӱвыра пӧртым олмыкташ йодмашым пуаш палемдыме. Тидлан проект да смете документацийым ямдылыме. Паша дене коштмо деч вара Марий Элым вуйлатыше совещанийым эртарен. Погынышо- влак дене тудо Ӧрша эҥерыште гидроузелым умакыже олмыктымо, канализаций сеть системым пужен ыштыме да Марково ялыште очистной сооруженийым пужен ыштыме, Шулкысо тӱвыра пӧртын леведышыжым ачалыме да моло йодыш- влакымат каҥашеныт.
             Фото: Марий Элым вуйлатышын  администрацийжын увер дене пашам ыштыше пӧлкаже.