Марий Элыште «Йошкар гвоздика» Россий кӱкшытан акций тӱҥалын

              Марий Элыште «Йошкар гвоздика» Россий кӱкшытан акций тӱҥалын. «Тукым- влакын шарнымашышт» фондын тиде поро кумыл акцийже 10-шо апрель гыч 22-шо июнь марте шуйна. Марий Эл Российысе 78 регион гыч «Йошкар гвоздика» значокым окса надырлан волонтёр- влакын шаркалыме ик регион лиеш. Погымо окса кугу ачамланде сарын ветеранже- влаклан медицина полышым пуашлан кая. Республикыште оксам «Чон дене самырык» ший добровольчествым вияҥдыме федерал программын участникше- влак погат. Волонтёр- влакым рӱдӧ уремлаште да тӱшка мероприятийлаште вашлияш лиеш. Акцийын участникше- влак тауштымаш шотеш йошкар гвоздике сынан значокым налыт. Тений тиде акций индешымше гана эрта. Кодшо ийын партнёр- влакын полышышт дене пырля кок миллион значокым шаркаленыт да 55 миллион теҥгем погеныт. Марий Элыште -109 тӱжем теҥгем. «Тукым- влакын шарнымашышт» поро кумыл фонд оксам кугу Сарын ветеранже- влаклан операцийлан тӱлаш, колыштмо аппаратым, инвалид кресле-коляскым, эмым налаш колтен.
               Фото: «Тукым-влакын шарнымашышт» фондын пресс-службыжо