Пашадар кушмо дене Марий Эл ончылно кая

             Пашадар кушмо дене Марий Эл ончылно кая. Тудо Российысе регион- влак коклаште тиде сомыл дене кумшо верым айла. 2023-шо ийын лектышыже почеш показатель 19,5 процентыш шуын. Маристатын ончыктымыжо почеш кодшо ийын январь гыч декабрь марте кокла пашадарын кугытшо 48 тӱжемат 500 теҥгем эртен. Кодшо ийын эн кугу пашадарым профессионал, шанче да технике пашам шуктышо организацийлаште тыршыше- влак налыныт- республикысе кокла пашадар деч иктат куд луаш нарылан шукырак. Пашадарын кушмо темпшылан бюджет секторышто тыршыше- влакын пашадарышт кугеммаш йӧным ыштен. Тыге, 2023-шо ийыште тазалыкаралтышыште тыршыше- влаклан пашадарым кӱзыкташ 993 миллион теҥгем колтымо, педагог- влакын базовый ставкышт 15 процентлан, социал сферыште тыршыше- влакын пашадарышт 25 процентлан кугемын.