Йошкар-Оласе 27-ше номеран школышто выпускник- влакын ача-авашт ЕГЭ-м возеныт

             Йошкар-Оласе 27-ше номеран школышто выпускник- влакын ача-авашт ЕГЭ-м возеныт. Тиде школ «Пырля кучена. Ача-ава- влакын ЕГЭ-м кучымо кечышт» Россий кӱкшытан акцийыш ушнен. Парт коклаш выпускник- влакын ача-авашт шинчыныт да единый кугыжаныш экзаменым кучымо чыла йыжыҥжым эртеныт. Тыге нуно ЕГЭ-м возашлан психологий велым ямдылалтме каҥашым налыныт, экзамен заданий- влак могай лийме нерген шинчымашым пуышо историй дене кӱчыкемдыме вариантым возеныт, Тиддеч посна нунылан эртарыме пунктыш пурымо годым могай тергымаш лиймым, экзамен пашам кузе почмым ончыктеныт. Тиде экзамен деч ончыч тургыжланымашым иземдыме моткоч сай йӧн. Тудо умылаш полша: экзамен тиде лӱдыкшӧ огыл, лач ямдылалташ гына кӱлеш,- палемдат школ администрацийыште.
         Фото: 27-ше номеран школ.