Республикысе агропромышленный комплексын сеҥымашыжым регион- влак кокласе кӱкшытыштӧ ончыктымо

           Республикысе агропромышленный комплексын сеҥымашыжым регион- влак кокласе кӱкшытыштӧ ончыктымо. Угарман олаште исполнительный кучем органын ял озанлык да ветеринарий аланыште вуйлатышышт, Угарман область ден Марий Элын кугу агробизнесыштым вуйлатышышт дене Россельхознадзорым вуйлатыше Сергей Данкверт регион кӱкшытан совещанийым эртарен. Марий Элын делегацийжым Правительстве вуйлатышын алмаштышыже Дмитрий Троицкий вуйлатен. Делегаций радамыште ял озанлык министр Андрей Кондратенко, ветеринарий комитетым вуйлатышын сомылжым шуктышо Евгения Коваль, кундемысе агробизнесын еҥже- влак лийыныт. Погынышо- влак Марий Эл ден Угарман областьын агропромышленный комплексыштын кодшо ийысе паша лектышыжым да тенийлан планым каҥашеныт. Марий Элысе АПК сай вияҥмашым ончыкта, вольык вуй, лукмо продукций ешаралт толеш, кучылтдымо мланде уэш оборотыш пурталтеш, у технике налалтеш, у технологий шыҥдаратеш. Погынышо- влак тыгак ял озанлык вольык ден сурткайыклан лӱдыкшым лукшо черын шарлыме лӱдыкшыжым каҥашеныт.
             Фото: Марий Элым вуйлатышын  администрацийжын увер дене пашам ыштыше пӧлкаже.