Шереметев замок элнан 30 эн сылне верже радамыш пурен

             Шереметев замок элнан 30 эн сылне верже радамыш пурен. Россий кӱкшытан «Кечывалвел теҥызла деч йӱдвел тӱр кундем марте» сылне вер- влакын конкурсыштын лектышыже пале лийын. Юринысе замок элысе калыкын йӱклымыжӧ почеш 30 эн сылне вер коклаш пурен. Тудо «Мыйын шӱмемын шонен коштмыжо» номинацийыште сеҥен. Тудын верч калыкын кумылжо дене кылдалтше объект верч йӱклымӧ. Мутлан, кӧ изиже годсек ужаш шонен коштмо верже верч. Росмолодёжьын «Путешествий деч шукырак» программын турист маршрутышкыжо пуртышаш эн сай вер- влакым ик тызе ойыреныт. Марий Эл гыч конкурсыш вич объектым лукмо ыле: Шереметев замкым, Оласе Изи Какшан серысе архитектура ансамбльым, Йӱштӧ Кугызан резиденцийжым, Козьмодемьянскысе тӱвыра-историй тоштер комплексым, «Иерусалимыш Юмын пурымыжо» коштшо скульптура композицийым. Конкурсышто чылаже 101 тӱжемат 306 йӱкым пуымо. Тиддеч посна йӱклышӧ- влак 430 «вийын вержым» темленыт. Тушечын 160 утла объектше местагордости.рф платформышто сылне вер галерейыш пурен,- увертара спорт-туризм министерстве.