Тазалыкаралтыш министерствыште Михаил Мишустинын тазалыкаралтышым вияҥдыме шотышто отчётшо нерген ойленыт

               Тазалыкаралтыш министерствыште Михаил Мишустинын тазалыкаралтышым вияҥдыме шотышто отчётшо нерген ойленыт. Российын премьерже Михаил Мишустин Кугыжаныш Думын депутатше- влаклан Россий правительствын ик ийыште ыштыме пашаже нерген отчётым ыштен. Тиде аланыште шумо лектышеш посна шогалын. Лектышым Марий Элысе калык кузе шижын- тидын нерген республикысе тазалыкралтыш министерствыште комментироватленыт. Мишустин увертарен: элыште шуктымо пашалан кӧра айдеме илышын кужытшо 73 ийым эртен. Тыгайже СССР-ыште да кызытсе Российыштат лийын огыл. Тазалыкаралтыш министр Марина Панькован мутшо почеш калыкле проект кышкарыште республикыште 20 ФАП-ым, поликлиникым, кум врач амбулаторийым чоҥымо. 12 медицина организацийыште капитально олмыктымо пашам шуктымо, куснылшо 19 медицина комплекс ден  флюорографий установко пашам ыштат, кок вертолёт площадкым ыштыме, санавиаций 182 гана чоҥештен коштын, вашке гына 194 пациентым эвакуироватлыме. Икымше медико-санитар полышым пуышо 91 автомобильым, 324 единице кызытсе жаплан келшыше медицина оборудованийым налме. 2018-ше гыч 2023-шо ий марте республике 99 вашкеполыш машина дене пойдаралтын. Кокшайскыште, Силикатныйыште, Тат-Китняште, Юриныште медицина тӧнеж- влакым чоҥымо. «Тазалыкаралтыш» калыкле проектым шыҥдарымаш отрасльысе пашан лектышыжым палынак саемдаш полшен.
           Фото: gjvernment.ru сайт гыч.