Марий Элыште шошо призыв 15-ше апрель гыч тӱҥалеш да 800 утла самырык еҥым тӱка

                Марий Элыште шошо призыв 15-ше апрель гыч тӱҥалеш да 800 утла самырык еҥым тӱка. Республикын сарзе комиссарже Кирилл Солодовник пресс-конференцийым эртарен да тенийсе шошо призывын ойыртемже нерген каласкален. Шыже призывым шке жапыштыже да тичмаш шуктымо. Службыш 900 утла еҥ каен. Теният призыв деч ала могай вучыдымаш лийшаш огыл. Тудо ончычсо семынак СВО-м шуктымо дене кылдалтын. 18 гыч 30 ияш марте рвезе- влак Россий кундемыште службым эртат, но у кундем- влак тушко огыт пуро. Призывник ден ача-аваштлан призыв деч лӱдшаш уке. Рвезе- влаклан воин коллективышке вашкерак тунемаш, военный ямдылалтмаште  кӱкшӧ лектышыш шуаш тыланем. А ача-ава-влаклан  тургыжланышаш уке. Лач ик ий гыч шке эргыштым пеҥгыдемшым да чын пӧръеҥым вашлийыт. Марий Элым вуйлатышын кӱштымыжӧ почеш республикысе призыв комиссийым да районлаште 14 призыв комиссийым да кумытым ола округлаште ыштыме,- каласен Кирилл Солодовник. Рвезе- влакым 15-ше апрель гыч Ленинград да Моско военный округлашке колташ тӱҥалыт.
          Фото: Екатерина Дьякова/Марийская правда.