Марий Эл Запорожье областьысе шефыш налме Куйбышев районлан умбакыже полша

            Марий Эл Запорожье областьысе  шефыш налме Куйбышев районлан умбакыже полша. Республикым вуйлатыше Юрий Зайцев видеоконференц йӧн дене Россий правительстве вуйлатышын алмаштышыже Марат Хуснуллинын эртарыме совещанийыште участвоватлен. Заседанийыште ДНР ден ЛНР, Херсон ден Запорожье областьлаште верланыше илем- влакым тӧрлымӧ йодыш- влакым ончымо. Марий Эл Куйбышев районлан умбакыже полша. Олмыктымо пашалан тений 138 миллион теҥгем ойырымо. Тенийлан планыште вӱдым ситарыме, тазалыкаралтыш объектлам, МФЦ зданийлам олмыктымо паша улыт. Тыгак олмыктымо пашалан спецтехникым, чоҥымо материалым, йӱлышӧ да шӱрымӧ материалым налаш палемдыме. Тиддеч посна социал аралалтдыме еҥ- влаклан йӱшаш вӱдым кондат, районысо книгагудо ден  тӧнеж- влалкан книгам, школ да йоча сад- влаклан атышӧрым ситарат. Майыште врач- влак бригаде калыклан медосмотрым эртараш да кӱлеш полышым пуаш мийышаш улыт. Марий Эл Куйбышев районым шефствыш кодшо ийын майыште налын ыле.
             Фото: Марий Элым вуйлатышын  администрацийжын увер дене пашам ыштыше пӧлкаже.