Юрий Зайцев Россий Президентын Правительствын еҥже- влак дене эртарыме совещанийыште лийын

           Юрий Зайцев Россий Президентын Правительствын еҥже- влак дене эртарыме совещанийыште лийын. Теҥгече тиде совещаний видеоконференц кыл йӧн дене эртен. Тудын тӱҥ темыже регионлам вияҥдыме индивидуал программым шыҥдарыме да тудым 2025-ше 2030 ий марте шуйымо план лийын. Владимир Путин Федерал погынымашлан посланийыштыже Правительствылан шагал парышан лу регионлан индивидуал программым куд ийлан шуяш кӱштен. Марий Элыште тиде программе 2020-шо гыч 2024-ше ий марте шыҥдаралтеш. Тиде жапыште тӱжемат 300 пашаверым ышташ, шым миллиардат 700 миллион теҥге бюджетдыме инвестицийым кондаш палемдыме. Таче кечылан тӱжем утла пашаверым ыштыме, куд миллиардат 700 миллион теҥге инвестицийым кондымо. Тыге 2023-шо ийыште регионысо валовый продукт 4 процентлан кушкын, промышленный производство 14 процентлан ешаралтын, ял озанлыкыште кушмаш 101 утла процент лийын. Социал-экономик вияҥме программылан кӧра 13 социал кӱлешан объектым пашаш колтымо, тенийлан эше кумытым палемдыме. Таче кечылан Республикын индивидуал программыжын проектшым 2030-шо ий марте ямдылыме. Тудым шыҥдараш программылан ойырымо 70 процент оксам колташ палемдалтеш Марий Элым вуйлатыше ӱшаным каласен: индивидуал программым шыҥдарымаш 2030-шо ий марте экономике куатым вияҥдымылан кӧра республикын бюджетше палынак кушшаш.
             Фото: Марий Элым вуйлатышын  администрацийжын увер дене пашам ыштыше пӧлкаже.