Чоҥымаш министр должностьшо гыч каен, Правителстве председательын алмаштышыже лийын

             Республикысе чоҥымаш, архитектура да ЖКХ министр Наталья Ошланова теҥгече паша гыч шке кумылын каен. Марий Элым вуйлатышын официальный порталыштыже таче тидын шотышто Указым савыктыме. Таче гыч Наталья Витальевнам вес Указ дене Марий Эл Республикысе Правительстве председательын алмаштышыжлан шогалтыме. Республикысе чоҥымаш, архитектура да илыме вер ден коммунал озанлык министрын пашажым жаплан шукташ таче гыч министрын икымше алмаштышыже Людмила Александровна Домарчевалан кӱштымӧ.
             Фото: Марий Элым вуйлатышын  администрацийжын увер дене пашам ыштыше пӧлкаже.