Йошкар-Оласе 31-ше номеран школ гыч ӱдыр-рвезе- влак «Орлёнкыш» ойырен налме йыжыҥым эртеныт

              Йошкар-Оласе 31-ше номеран школ гыч ӱдыр-рвезе- влак «Орлёнкыш» ойырен налме йыжыҥым эртеныт. Нылымше Б классыште тунемше- влак Россий кӱкшытан «Орлёнок» йоча рӱдерын ойырен налмашым эртеныт да «Содружество Орлят России» сменыш путёвкым налыныт. Классым вуйлатыше Надежда Леонидовна Шихалеева йоча- влак дене кугу пашам шуктен. 4-ше Б классын пӱркыт игыже- влак кум йыжыҥым эртеныт. Нунылан наставникышт 8-ше Д классыште тунемше Екатерина Домрачева полшен. Йоча- влак ончыч микрорайонан ола- влакым ыштыме модмаште регионысо ойырен налмаште сеҥеныт. Тиддеч вара ваш полшымаш да икоян улмо шотышто онлайн- модмаш лийын. Тунемше- влак Киров областьысе ӱдыр-рвезе- влак дене космический корабль дене виртуал путешествийыш каеныт. Тушто тӱрлӧ заданийым шуктеныт. Тыге федерал йыжыҥыш лектыныт.
           Фото: 31-ше номеран школ.