Йошкар-Олаште шонымашым шуктышо шым пырысигын фигуркыштым вераҥдат

              Йошкар-Олаште шонымашым шуктышо шым пырысигын фигуркыштым вераҥдат. Олаште шке шотан квестыш ушнен нуным кычал муаш верысе калыклан да турист- влаклан майыштак йӧн лиеш. Тиде Сберын, креатив индустрий школын да Йошкар-Ола историй тоштерын пырля ыштыме проектышт. Автор- влак тудым Йошкин пырыс ден Йошкин пырыс ватын игышт але Йошкар-Олан шым ӧрыктарышыже маныт. Кызыт Владимир олаште шым пырыс игын фигуркыштым велыктат, 20-шо апрель марте ыштен шуктышаш улыт. Кажне фигуркын шке лӱмжӧ, образше, историйже лиеш. Ӧрыктарышыже- нуно шонымашым шуктышо лийыт, ниялташ гына кӱлеш. Адакшым нуно тыгак рӱдӧ олан 440-ше шочмо кечыже нерген ушештарат. Проектым кызытеш «Йошкина котосемья» манын лӱмдымӧ. Вет 2024-ше ий Ешын идалыкше семын эрта. Фигурко- влак кугу огытыл- 20 сантиметр кӱкшытан гына. Олаште чылаштым иктаж шагат жапыште кычал муаш лиеш. Кызытеш тыге гына ойлат: нуно Патриарший площадь, Дева Мариян площадьше, Рӱдӧ каныме парк, Эрик Сапаев лӱмеш опера да балет театр. Олан историй тоштерже, Сбер пӧлкан пӧртшӧ да вокзал воктелсе сквер кундемлаште вераҥдалтыт.
         Фото: Елена Решетова.