Республикысе районлаште идалык тӱҥалтыш гыч модернизироватлыме кинозаллашке 17 тӱжемат 600 еҥ миен

             Республикысе районлаште идалык тӱҥалтыш гыч модернизироватлыме кинозаллашке 17 тӱжемат 600 еҥ миен. Икымше январь гыч 31-ше март марте кинозаллаште тӱжемат 200 сеансым эртарыме. Тушечын кум миллионат 700 тӱжем теҥгем погымо. Эн шуко ончышо Козьмодемьянскысе «Юнга-фильм» кинозалыш миеныт. Кум тылзыште кинозалыш вич тӱжемат 100 билетым налме. Кызыт кеч-могай у кином пӧрт гыч лекде ончаш лиеш. Но еҥ- влак кинотеатрыште кугу экраныште ончаш йӧратат. Кодшо ийын кинозаллан у оборудованийым Козьмодемьянскыште, Куженер да Медведво районлаште налме. Туддеч ик ий ончыч Килемар, Марий Турек, У Торъял да Оршанке районлаште кинозаллам уэмдыме ыле.
           Фото: Тӱвыра министерстве.