Йошкар-Олаште шокшым йӧртымӧ нерген умылтарат

            Йошкар-Олаште шокшым йӧртымӧ нерген умылтарат. Игечым шотыш налын рӱдӧ олаштына ырыктыме тургым тӱҥ шотышто майын икымше декадыштыже мучашлалтеш. Кызыт тиде йодышым нӧлталме огыл. Роскачествын уверже почеш илыме верлаште шокшым кокла температура вич кече мучко 8 градус леве тураше шога гын, тунам гына йӧртат. Иктаж- могай кечынже температура шокшыракат лиеш да кече чот ырыкта гынат, шокшым огыт йӧртӧ, йодмашым шуктышаш улыт. Пырт шокшо лиймаш, ондалтыш шижмашым луктеш. Тиде жапыште шокшым йӧрташ гын, пӧртыштӧ йӱштӧ лиеш. Йӧртымӧ деч вара уэш йӱкшемда гын, кучем адак шокшым пуаш распоряженийым лукшаш. Но шарнаш кӱлеш: йортымашат, чӱктымашат иканаште ышталт огыл керт. Тудо икымняр кечым налеш. Сандене калыклан туге чучын кертеш- тиде температуро дене келшен ок тол. Тидыже сеть дене пайдаланыме ойыртем да ырыктыше компаний- влакын улшо йӧнышт дене кылдалт шога,- умылтарат эксперт- влак. Ырыктыме тургымым мучашлыме деч ончыч официальный источниклаште распоряжений савыкталтеш.