Республике Оренбург областьыште вӱдшӧрлан кӧра эҥгекыш логалше- влаклан гуманитар полышым колта

              Марий Элым вуйлатышын кӱштымыжӧ почеш республике Оренбург областьыште вӱдшӧрлан кӧра эҥгекыш логалше- влаклан гуманитар полышым колта. Полышым погымаш политпартий- влакын регионысо да верласе пӧлкаштышт, калыкым социал обслуживатлыме комплексный рӱдерлаште, юмын йӱла конфессий- влак погат. Тиде пашашке организаций, предприятий, бизес сообществе, волонтёр, мер организацийлан еҥыштым ушымо. Кызыт верыште ыштен лукмо кугу кленчаш темкалыме 15 тонн йӱшаш вӱдым, кум тонн дезинфицироватлыше «Ника» средствым колташ ямдылат. Тиддеч посна тазалыкаралтыш министерстве шке кумылын Оренбург областьын тазалыкаралтыш министерствыже дене кылым ыштен да кӱлеш эм ден медикаментым погаш тӱҥалын. Евсеев лӱмеш калыкле тоштер Орскысо краеведений тоштерын эҥгекыш логалше пашаеҥже- влаклан  полшаш оксам погаш тӱҥалын. Областьысе калыклан гуманитар полышым пуымо пашам республикын правительствыже умбакыже шуя. Марий Элысе калык, предприятий, организаций- влак Юл кундем округышто Россий Президентын полномочный представительже Игорь Комаровын плшымыжо дене эҥгекыш логалше- влаклан оксам погаш тӱҥалмашке ушнен кертыт.
             Фото: Марий Элым вуйлатышын  администрацийжын увер дене пашам ыштыше пӧлкаже.