Марий Эл Республике лӱмын эртарыме сар операцийыште задачым шуктышо военнослужащий- влакым умбакыже поддерживатла

             Элым вуйлатыше Юрий Зайцев военнослужащий- влаклан черетан гуманитар грузым колтымым терген. Грузым чумырымо да намиен кодымо сомылым кодшо ийын ноябрьыште Республикым вуйлатыше да Правительствын полшымышт дене ыштыме «Марий Эл верч» поро кумыл фонд шукта. СВО-ш колташ йӧсӧ верлаштат коштын кертше вич автомобильым, шапаш ужашым, обмундирований ден йолчиемым, генераторым да спецоборудованийым ямдылыме. Глава машина ден грузым ончен лектын да «Марий Эл верч» фондын чолга пашажым палемден. Мый эше ик гана шонымашем пеҥгыдемдышым: мемнан калык боец- влакын кӱлешлыкыштым чак шижыт, умылат, тыглай илышыште шинчалан койдымо, но тушто пеш кӱлешан наста- влакымат кондат. Кугу надырым республикысе калык, амалкалче, предприятий- влак пыштат Чылалан тау, каласен Юрий Зайцев. Тидымат палемден: республикын бюджетше кӱшеш шергакан оборудований- влак налалтыт: квадрокоптер, тепловизор, детектор, дроным, радиооборудованийым да молымат. Фондым ыштыме годсек 6 гуманитар да военно-шеф миссийым ыштыме. Тудын кышкарыште 19 автомобильым, пило- да чоҥымо материалым, автошапаш ужаш ден ӱзгарым, гигиенылык средствым, медикамент ден вургемым да йолчиемым, коҥгам, салтаклан посна посылкым да серыш- влакым  намийыме. Шуко грузшо войскалашке гына огыл, госпиталь ден йоча пӧртлашке, верысе калыкланат пуалтеш.
             Фото: Марий Элым вуйлатышын  администрацийжын увер дене пашам ыштыше пӧлкаже.