Звениговышто пӱтӧ жапысе кухньын фестивальже эртен

                       Звениговышто Транспортно-энергетик колледжыште пӱтӧ жапысе кухньын фестивальже эртен. Сийым шым команде ончыктен: техникумысо кочмыверын колективше, Звениговысо черкын приходшо, Чакмарий храмын приходшо да техникумын ныл студент командыже шке туныктышо вуйлатышышт дене. Фестивальым Никольский храмын клирикше иерей Александр Сергунин почын. Тудо палемден: пӱтӧ тиде шылан кочкышым кочмо деч чарнен шогымаш гына огыл, а эн ончыч осал паша да оасал шонымаш деч кораҥмаш. Тыгак Шнуй-Тройчын храмын настоятельже, Николай Чудотворец храмын хоржын мурызыжо- влак ойленыт. Вара участник- влак тутло сийыштым ончыктеныт. Ӱстембалне мӱгинде, салат, пакча саска сий, емыж да коштымо емыж гыч, шӱраш гыч тӱрлӧ кочкыш лийын. Фестиваль ончыктен: пӱтӧ кухня сылне гына огыл, эше тутло, тӱрлӧ, ойыртемалтше лийын кертеш,- палемдат техникумышто.
            Фото: Транспорт да энергетике техникум.