Марий Элым вуйлатыше вӱд шарлен кертме вер- влакым вертолёт дене ончен савырнен

          Кодшо арня мучашыште Марий Элым вуйлатыше Юрий Зайцев вӱд шарлен кертме вер- влакым вертолёт дене ончен савырнен. Кызыт республикыштына шошо вӱдшор лӱдыкшӧ деч посна эрта, кугун вӱд шарлымаш ок палдырне.  Вӱд толмо да кайыме йодышым Республикысе правительстве, келшыше службо- влак эскерен шогат. Эн кугу вӱд 8-ше апрельыште палдырнен. Тидыже кодшо ийысе деч 9 кечылан ондакырак. Вӱдшор ондак тӱҥалын гынат, вӱдын кӱкшытшӧ кодшо ийысе деч иктаж 30 сантиметрлан шагалрак лийын. Вӱдын шагалеммыжымат терген шогат. Молан манаш гын чот шокшемден але шуко йӱр йӱрын кертеш., тидыже вӱдым ешарымашке конда. Республикым вуйлатыше палемден:  кунар лийме семын калыклан лӱдыкшыдымылыкым ыштыман.
             Фото: Марий Элым вуйлатышын  администрацийжын увер дене пашам ыштыше пӧлкаже.