Марий Элыште икымше гана Кӱкшӧ технологий-влак Чемпионатын регионысо йыжыҥже эрта

            Марий Элыште икымше гана Кӱкшӧ технологий-влак Чемпионатын регионысо йыжыҥже эрта. Мероприятий официально таче почылтын да 19-ше апрель марте шуйна. Тудо технологий колледжыште эрта. Таҥасымашке колледжын 10 студентше ушнен. Туныктыш министерстве умылтара: тиде ончыкылык компетенций да специальностьын чемпионатше. Тений тудо «Бизнеслан цифран йӧн» теме дене эрта. Компетенцийын тӱҥ шонымашыже- чын цифровизаций- бизнес-процессым инноваций технологий дене ушымаш. Чемпионатын кӱлешлыкше увер технологий да искусственный интеллектын писын вияҥмышт дене кылдалтын. команде- влак условный маркетплейсын бизнес-процессшын автоматизироватлыме системыжым ыштышаш улыт.
        Фото: Йошкар-Оласе технологий колледж.