Тӱнямбал тӱвыра кечын Йошкар-Олаште кумдан чапланыше марий кӱслезе Павел Тойдемарым шарналтеныт

             Теҥгече Тӱнямбал тӱвыра кечын Йошкар-Олаште кумдан чапланыше марий кӱслезе Павел Тойдемарым шарналтеныт. Пеледыш аршашым музыкантын илыме Советский уремысе 147-ше пӧрт пырдыжеш вераҥдыме мемориал оҥа воктеке пыштеныт. Тиде кечынак «Сеҥымашын кӱслеже- влак» регион- влак кокласе кӱкшытан шочмо элым йӧратыме да шинчымашым шарыме проектым торжественно почмо. Проект Кугу ачамланде сар жапыште калыкын кумылжым нӧлтышо марий филармонийын артистше- влакын геройло подвигыштлан пӧлеклалтын. Яков Эшпай лӱмеш Марий Кугыжаныш филармонийыште патриотизм темылан тӱвыра программе ямдылалтеш. Артист- влак ончаш толшо калыкым марий калыкле семӱзгар - кӱслен сылне йӱкшӧ дене палымым ыштат. Проектым тӱвыра министерствын тӱҥалтышыже почеш Санкт-Петербургышто да Ленобластьыште марий республикын полномочный представительже Елена Таникова дене пырля ыштыме.
          Фото: Алсу Сабирьянова / «Марийская Правда».