Куженерысе йоча сымыктыш школышто тунемше Максим Антонов «У лӱм- влак» фондын лауреатше лийын

              Куженерысе йоча сымыктыш школышто 9-ше классыште тунемше Максим Антонов «У лӱм- влак» фондын «Калык семӱзгар- влак (баян)» номинацийыште стипендиатше званийым налаш Россий кӱкшытан кумшо ойырен налме конкурсын лауреатше лийын. Туныктышыжо- Елена Попова. Максимын сылнын, шарнаш кодшын шкетын выступатлымыже- влак эре йодмаш дене пайдаланат. Тудо ятыр гана тӱрлӧ кӱкшытан конкурсышто лауреатын дипломжо дене палемдалтын. Мутлан «Молодые дарования России» Российысе кӱкшытан конкурсышто. Школ деч вара Максим Республикысе Палантай лӱмеш тӱвыра да сымыктыш колледжыш пураш шона. Лӱмлӧ конкурсын жюрижым Российын калык артистше Денис Мацуев вуйлатен. Конкурсышто сеҥымаш «У лӱм- влак» фондын стипендийжым налаш правам пуа.
        Фото: Тӱвыра министерстве.