Йошкар-Оласе коммунальщик- влак у тракторым налыныт

               Йошкар-Оласе коммунальщик- влак у тракторым налыныт. «Город» МУП-ын балансыштыже шнекоротор оборудованийым ешарен пижыктыман у МТЗ трактор ешаралтын. Тудо телым корным кумдаҥдаш, лумым ӧрдыжкӧ кышкаш да лумым машинаш опташ кучылталтеш. Ушештарена: тений Йошкар-Олаш кок комбинированный корно машина да кок универсал коммунал машина толын. Мэрийын ончыктымыжо почеш, тыгак эше «Бродвей» шотан ӱштын эрыктыше кок прицепым, вӱдым шавен мушшо эрыктыше комбинированный машинам кондышаш улыт.
         Фото: Йошкар-Ола мэрий.