Йошкар-Ола аэропортын у терминалже 50 процентлан ямде

             Йошкар-Ола аэропортын у терминалже 50 процентлан ямде. Тушто чоҥымо пашан кузе кайымыжым Марий Элым вуйлатыше Юрий Зайцев ончен лектын. Тушто фасадым ыштен пытарыме, яндам шындыме, леведышым ыштыме. Кӧргыштӧ перегородко- влакым ыштат, шымартат, инженер системым шындылыт. Объектыште шӱдӧ наре еҥ тырша, паша ик кечыланат ок чарне. Аэропортлан пашам ышташ чыла кӱлешан оборудованийым налме. Терминал кок пачашан, 6 тӱжем квадрат метр кумдыкан, калыкле стиль дене сӧрастарыме. Тудо шагатыште 400 пассажирым колтен кертеш. Терминалым тений идалык мучашлан пашаш колташ шонат. У  терминал деч посна аэропортышто чоҥештен кӱзымӧ да волен шичме полосам пужен ыштат. Тиддеч вара аэропорт 200 еҥан самолёт- влакымат шынден кертеш.
             Фото: Марий Элым вуйлатышын  администрацийжын увер дене пашам ыштыше пӧлкаже.