Ынде Марий Элыште Пётр Первыйын тумыжат кушкеш
29-ше сентябрьыште Йошкар-Оласе паркыште Пётр Великийын тумыжым шындат. Ынде республикыштына Пугачёвын гына огыл, Пётр Великийын тумыжат кушкаш тӱҥалеш. Пушеҥгым Санкт-Петербург гыч кондымо. Тудым рӱдӧ каныме да тӱвыра паркыш шындаш палемдыме. Пушеҥгым вераҥдыме торжественный церемоний 29-ше сентябрьыште Пётр Первыйлан 350 ий темме лӱмеш «Император Пётр Великийын Российысе тумерже» эл кӱкшытан проектын акцийже кышкарыште лиеш. Тидын нерген калыкле сӱрет галерей увертара.