Рӱдӧ олаште пилораме йӱлен
Теҥгече кастене 22 шагат гутлаште Йошкар-Оласе промзонышто тул пижме нерген увер пурен. Соловьёв уремыште верланыше пушеҥгым обрабатыватлыше предприятийын производство пӧлемыштыже тул ажгынен. Пилорамыште тулым 6 пожар расчёт йӧртен. Шикшештмым орол ужын. Пӧлемыште иктат уке улмаш. Пижме верже леведыш тураште лийын да оҥа, брус левелыш дене пеш вашке кугу кумдыкым авалтен, 500 квадрат метрыш лишемын. Йӧртымашке 29 пожарный, куд технике ушнен. Тул пижмын амалжылан коҥга конструкций ден тӱньыкын ситыдымашыже шотлалтеш. Куртньо пуч гыч ыштыме тӱньыкын изоляцийже лийын огыл да коҥгажымат эскерыде олтен кодымо.