Самырык спортсмен- влак самбо дене кучедалмаште таҥасеныт

                 Марий Эл гыч самырык спортсмен- влак самбо дене Российын первенствыштыже кучедалыныт. 12-14 ияш ӱдыр-рвезе- влак коклаште самбо дене Российын Первенствыже Озаҥ олаште эртен. Марий Эл гыч «Самбо-Патриот» спорт клуб гыч Андрей Глазырин ден Варвара Горбушина миеныт. Тренерышт- Чуршуков. Йоча- влаклан тыгай кӱкшытан таҥасымаш дебют лийын. Туге гынат нуно шкеныштым чолган кученыт. Андрей сеҥымаш гыч тӱҥалын, вара сеҥалтын да таҥасымаш гыч лектын. А Варвара ныл кучедалмаште сеҥыше лийын, но Озаҥ гыч ӱдыр тудым ончылтен да сеҥышыш лектын. А Варвара почётан 6-шо верым налын.
                 Фото: "МариМедиа".