Льготым але оксам налаш?

              Икымше октябрь марте шонымашым пеҥгыдемдыман. Социал полыш наборым налаш праван льготник- влак икымше октябрь марте тиде льготым кузе налме шотышто решенийым лукшаш улыт. Южо неле черан еҥ- влак льготан эм олмеш оксам налаш кумылан улыт. Тений льготан эмлан 933 теҥгем палемдыме. Южо черже пеш шерге эмым йодеш. Тудым черле- влак налынат огыт керт. 2005-ше ий гыч пеҥгыдемдыме федерал программе социал полышым налаш кумылаҥше еҥ- влаклан акшым ончыде шергакан эмым налаш йӧным пуа. Ончычсо ийлаште иктаж пациент льгото олмеш оксам налаш возалтын гын, икымше октябрь марте пенсий фондыш миен, льготым пӧртылтымӧ нерген йодмашым возен кертеш. Тыге шушаш ийын икымше январь гыч льготан эмым налаш тӱҥалеш,- умылтара тазалыкаралтыш министрын алмаштышыже Юлиана Зейтулаева.