Игорь Комаров: «Тунемме тӧнежлаште лӱдыкшыдымылыкым да аралтышым ыштымаш исполнительный кучем орган- влакын пашаштышт ик эн кӱлешан корно.»

             Тунемме тӧнежлаште лӱдыкшыдымылыкым да аралтышым ыштымаш исполнительный кучем орган- влакын пашаштышт ик эн кӱлешан корно, - каласен Юл кундем округышто Россий Президентын полномочный представительже Игорь Комаров. Тидын нерген теҥгече тудо Пермь олаште кугыжаныш калыкле шымлыше университетыште лийше трагедийлан кӧра тушко мийымыж годым ойлен. Тудо Пермь крайын правительствыжын еҥже- влак да силовой ведомствын пашаеҥже-шамыч дене совещанийым эртарен. Пашам эртарыме, но лийше ситуаций ыштыме мерын ситыдымыжым ончыктен, - манын тудо. Тунемме тӧнежлаште лӱдыкшыдымылыкым да аралтышым ыштымаш исполнгительный кучем орган- влакын пашаштышт ик эн кӱлешан корно, Сандене ситуацийын кажне ужашыжым радамын лончылен лекман. Тышке самырык тукым дене эртарыме профилактик паша, интернетым эскерен шогымаш  гыч тӱҥалын, тӱнемме тӧнежлаште лӱдыкшыдымылыкым ыштыме да сар-куралым ужалкалыме законодательствым шуктымаш марте сомыл пура. Ончыкыжым тыгай ынже лий манын, мерым ыштыман, -каласен полпред. Лӱдыкшыдымылыкым ыштыме системе кӱрылтде, чаткан пашам ыштышаш, оролышо структурын пашаеҥже- влак экстренный ситуаций шотышто эре тунеммашым эртарышаш улыт. Ушештарена: теҥгече Пермь университетыште студент- влак ӱмбаке лӱйкалыме, 6 ен ӱмыр лугыч лийын, шагал огыл сусыргышо уло. Таче Пермьыште траур кечым увертарыме.
                 Республикым вуйлатыше Александр Евстифеев Пермь крайын губернаторжо да калыкше лӱмеш шке чаманымашыжым возен колтен.