Сайлымашым чынлан шотлымо

                 Марий Элысе рӱдӧ сайлыме комиссийыште таче заседаний эртен. Тушто ик мандатан сайлыме округышто сайлымашым лийшылан да чынлан шотлымо. Республикысе 22-шо номеран ик мандатан сайлыме округышто утларак йӱкым Сергей Казанков поген. Тыге тудо Марий Эл гыч Кугыжаныш Думын депутатше лийын. Ирина Татаринован увертарымыж почеш, политик мероприятий происшествий деч посна эртен. Тудо чыла сайлыме комиссийын еҥыштлан сайын пашам ыштымыштлан тауштен да палемден: кум кече мучко сайлымаш икымше гана эртаралтын. Туге гынат, тудо сайлымашым сай качестве дене эртарен колташ чаракым ыштен огыл. Кугыжаныш Думын депутатше- влакым сайлымашке 46 процент утла але 245 тӱжем утла еҥ ушнен.
                  "Йошкар-Ола" газетын фотожо.