Утарыше- влакын автопаркышт у технике дене пойдаралтын

              Утарыше- влакын автопаркышт у автомобиль да тул йӧртымӧ цистерне- влак дене пойдаралтын. Теве Йошкар-Оласе пожар да утарыше часть аварийно-утарыше машинам налын. Тудо утарыше- влакым да оборудований ден ӱзгарым вучыдымо ситуаций лийме верыш намияш да полышым пуаш келыштаралтын. Частьыш тыгак КамАЗ машина негызеш ыштыме пожар автоцистерным кондымо. Тудо иканаште  кум тонн утла вӱдым конден кертеш. МЧС виктемын профилактике  паша да надзор виктемжын Волжск оласе да районысо пӧлкаже инспектор да дознаватель- шамычым эскерыме объектыш да тул пижме верыш намияш машинам налыныт. Волжск оласе 12-шо пожар да утарыше частьыш да Медведево посёлкысо 25-ше тыгаяк частьыш 6 тонн вӱдым наҥгаен кертше автоцистерным кондымо. У цистерным тыгак Йошкар-Оласе кокымшо часть ден Луговой посёлкысо 10-шо частьлан ситарыме. У пожар техникым налмаш эҥгекыш логалше шукырак еҥын илышыжым да тазалыкшым арален кодаш полша. Ешарена: кодшо ийын сентябрьыште гына утарыше- влаклан Марий Эл правительстве 7 миллион утла теҥгелан специальный техникым налын ыле.