Игече йӱкшемда

                  Игечым эскерыше- влакын ончыктымышт почеш кундемышкына йӱштӧ толеш. Сандене Йошкар-Ола администрацийын туныктыш пӧлкаже ача-влаклан тыгай умылтарымашым пуа. Келшен толдымо игече годым школ пеҥгыдемдыме режим дене пашам ышта, кеч-мыняр тунемше лиеш гынат, урок эртаралтеш, пӧлемлаште кӱлеш температура эскералтеш. Чот йукшемдыме годым ача-ава- влак йочам школыш колташ але укем шке палемдат. Но чылалан икгай темлымашат уло. 25 градус да йӱштырак лийме годым школыш икымше- 4-ше класслаште тунемше- влак огыт кай. Южын температурыжо 28 градус да йӱштырак лиеш гын, 5-ше 8-ше класслаште тунемше- влакат мӧҥгыштак кодыт. А 30 градус йӱштӧ да утларак лиеш гын, 9-ше 11-ше класслаште тунемше- влакат школыш огыт кай. Йӱштӧ годым ача-ава- влак йочам школыш огыт колто гын, тидын нерген классым вуйлатышылан увертарышаш улыт.