Йошкар-Олаште У ий троллейбус- влак коштыт

                     Йошкар-Олаште У ий троллейбус- влак коштыт. Троллейбус транспорт предприятийыште у ийлан салоным эн моторын сӧрастарыме шотышто конкурсым иктешленыт. Йошкар-Ола администрацийын увертарымыж почеш тыгай таҥасымаш кажне ийын эртаралтеш да поро йӱлаш савырнен. Оласе калыклан да уна- влаклан пайрем кумылым нӧлталаш манын, шке транспортыштым сылнын сӧрастараш тыршат. Тений конкурсышко 20 троллейбус ушнен. Нунын кокла гыч вич сеҥышым ойырен налме, молыжо шере пӧлек дене палемдалтын. Эн пайрем шӱлашан троллейбус- влакым 1-ше, 2, 3, 6, 8, 10, 11-ше маршрутлаште вашлияш лиеш.