Республикым вуйлатышын стипендийжым студент-медик- влак налаш тӱҥалыт
Республикышытна студент- медик- влаклан стипендийын кугытшым палемденыт. Марий Элым вуйлатыше Александр Евстифеев тазалыкаралтыш министерстве дене лӱмын тунемаш колтымо шотышто ойпидышым кылдыше да вузлаште специалитет да ординатура программе дене тунемше студент- влаклан стипендий нерген Указеш кидшым пыштен. Документ дене келшышын, республикым вуйлатышын стипендийжын тыгай кугытшым палемдыме: специалитетыште тунемше студент- влаклан тӱжемат пеле теҥге, ординатурышто тунемше-шамычлан- кандаш тӱжемат пеле.
